अत्यावश्यक औषधीहरु नेपाल सरकारलाई हस्तान्तरण

प्रेस वक्तव्य,  ९ मंसिर २०७२

 

फूलकुमारी महतो मेमोरियल ट्रष्ट, नेपाल मेडिसिटी, ग्राण्डी अन्तर्राष्ट्रिय अस्पताल र एनएमसी हेल्थकेयर दुबईले संयुक्त रुपमा रु ३ करोड ६१ लाख ४१ हजार ९ सय २४ रुपैया बराबरका बिभिन्न अत्यावश्यक औषधीहरु नेपाल सरकारलाई हस्तान्तरण गरेको छ ।

 

एक कार्यक्रमकावीच फूलकुमारी महतो मेमोरियल ट्रष्टका अध्यक्ष एवं गैरआवासीय नेपाली संघका संस्थापक अध्यक्ष डा. उपेन्द्र महतोले सो औषधिहरु स्वास्थ्य तथा जनसंख्या मन्त्री माननीय रामजनम चौधरीलाई हस्तान्तरण गर्नु भयो ।

medicine_handover_NMC-2
तस्विर: निमेषजंग राई/कान्तिपुर

नेपालमा गएको विनाशकारी भूकम्पमा परी घाईते भएका नेपालीहरुका लागि एनएमसी हेल्थकेयर दुबई र सम्बद्ध स्वास्थ्य संस्थाहरुबाट ५ करोड ४ लाख ७ सय २८ रुपैया बराबरको औषधि तथा स्वास्थ्य सामाग्रीहरु सहयोग स्वरुप प्राप्त भएको थियो । उक्त सहयोग मध्ये बाँकी रु. १ करोड ४२ लाख ५८ हजार ८ सय ४ रुपैया बराबरका औषधी तथा स्वास्थ्य सामाग्रीहरु ट्रष्ट मार्फत फूलकुमारी महतो मेमोरियल हस्पिटल तथा ट्रष्ट सम्बद्ध अस्पतालहरु मार्फत विरामीको नि:शुल्क उपचारमा उपयोग गरिने छ ।

 

स्मरणीय छ गत वैशाखको विनाशकारी महाभूकम्पको तत्काल पछि भूकम्प प्रभावित बिभिन्न जिल्लामा फूलकुमारी महतो मेमोरियल ट्रष्टले करिब तीन करोड मुल्य बराबरको टेन्ट, त्रिपाल, खाद्यान्न सामाग्री जस्ता पीडित परिवारहरुको तत्कालका आवश्यकता पुर्ति हुने राहत सामाग्री वितरण गरेको थियो ।

 

Also on:

http://kantipur.ekantipur.com/printedition/news/2015-11-26/20151126084024.html

http://setopati.com/raajneeti/36913/

http://goo.gl/PvxqUj