×

पाठेघर खस्ने समस्याबाट पीडित महिलाहरु शल्यक्रियाका लागि छनौट

गैरआवासीय नेपाली संघको महिला फोरमले सप्तरी जिल्लाको बोदे बरसाईन गाविसमा आयोजना गरेको दुईदिने स्वास्थ्य परीक्षण शिविरमा फूलकुमारी महतो मेमोरियल हस्पिटलका चिकित्सक, नर्स तथा अन्य स्वास्थ्यकर्मीहरु समेत सहभागी भए ।

गत फागुन १७ र १८ गते आयोजना गरिएको उक्त शिविरमा दुई सय भन्दा बढी महिलाहरुलाई पहिलो, दोश्रो र तेश्रो तहको पाठेघर खस्ने समस्या देखिएको र ती मध्ये तेस्रो तह समस्या भएका २७ जना महिलाहरुलाई शल्यक्रियाका लागि छनौट गरिएको थियो । अन्य तहका महिलाहरुलाई शिविरमै रिङ्ग पेशरी, ब्यायाम सिकाइएको थियो ।
स्वास्थ्य शिविरमा फूलकुमारी महतो मेमोरियल हस्पिटलका एम.डि.जि.पि. डा. शिवशंकर शाह, वी.पी.कोइराला स्वास्थ्य विज्ञान प्रतिष्ठान, धरानका स्त्री तथा प्रसुति रोग विशेषज्ञहरु डा. मोहनचन्द्र रेग्मी, डा. अजय अग्रवाल, डा. अनामिका दास र परोपकार प्रसुति गृहका स्त्री तथा प्रसुति रोग विशेषज्ञ डा. जयराज के.सी.ले स्वास्थ्य परीक्षण गर्नु भएको थियो ।

गैरआवासीय नेपाली संघले नारी दिवस (मार्च ८, २०१४) को उपलक्ष्यमा उक्त शिविरको आयोजना गरेको थियो । आगामी २ वर्ष भित्र नेपालको पांच वटै विकास क्षेत्रमा छनौट शिविरको आयोजना गरी करिब ३ सय महिलाहरुको शल्यक्रिया गरिने संघकी महिला विभाग संयोजक सपिला राजभण्डारीले बताउनु भयो ।

छनौट शिविरको औपचारिक कार्यक्रमको प्रमुख अतिथि संविधानसभाका सदस्य माननीय डा. वीरेन्द्र प्रसाद महतो हुनुहुन्थ्यो । कार्यक्रममा समासद्हरु माननीय लक्ष्मी चौधरी, माननीय सुरेन्द्र प्रसाद यादवको समेत उपस्थिति रहेको थियो । कार्यक्रममा जिल्ला जनस्वास्थ्य कार्यालय, सप्तरीले समेत सहयोग गरेको थियो ।

Selection for women suffering from uterine prolapse surgery.
pkmmt-helath-camp-uterine-prolapse-surgery

pkmmt-helath-camp-uterine-prolapse-surgery
pkmmt-helath-camp-uterine-prolapse-surgery